English
Version
Nuus Boere
musiek
Die
Klub
Biografie Leer
Speel
Handels
ware
Skakels Soek Kontak
Bewaar - Behou - Uitbou
Dat die erwe van ons vaad're vir ons kinders erwe bly
Karakter
Oorsprong
Instrumente
Danse
Musiek Video
Uitbou
 
Boeremusiek Instrumente

'n Verskeidenheid van instrumente word in Tradisionele Boeremusiek gebruik. Die instrumente wat hier genoem word verteenwoordig 'n kort opsomming. Die samestelling van instrumente wissel van orkes tot orkes. Die instrument samestelling van 'n spesifieke orkes verander ook soms per geleentheid wanneer musikante gedurende die optrede van instrument verwissel. Meer inligting oor spesifieke kombinasies van instrumente in orkeste word vervat in Biografiese Inligting.

Konsertinas

Die konsertina is meestal die hoofinstrument in 'n Boereorkes. Die Afrikaanse volksname vir konsertinas verdeel die instrument in twee breë kategorieë nl. "Engelse konsertinas" en "Boerekonsertinas". Die onderskeid word gemaak op grond van die konstruksie tegniek en fisiese voorkoms van die instrument asook die aard van die klank wat dit voortbring.

Engelsekonsertina
Boerekonsertina

 

Engelse Konsertina

Die klassifisering slegs op grond van voorkoms veroorsaak verwarring omdat die internasionale benaming van konsertinas die klassifisering op grond van die knoppie uitleg doen. Instrumente wat op die oog af dieselfde fisiese voorkoms het kan radikaal van mekaar verkil.

Die konstruksie tegniek van Engelse konsertinas gebruik 'n radiale toonkamer uitleg om die fluitjies te huisves.

Toonkamer en fluitjies
Knoppie aksie


Daar is verskillende knoppie rangskikkings en die noot wat voortgebring word kan wissel wanneer die instrument gedruk of getrek word. Elkeen het oor die jare ontwikkel tot 'n spesifieke styl binne boeremusiek en hier volg 'n paar voorbeelde.

 

Internasionale
Benaming
Afrikaanse Volksnaam
Foto
Klank Voorbeeld
20 button Anglo
Chromatic
2-ry Engelse
konsertina
 
30 button Anglo
Chromatic
3-ry Engelse
konsertina
 
36 Button Anglo
Chromatic
3 ½-ry Engelse
konsertina
 
40 Button Anglo
Chromatic
3 ¾-ry Engelse
konsertina
 
English 4-ry konsertina  
Crane Duet 5-ry Duet
konsertina
 
McCann Duet 6-ry Duet
konsertina
 

 

Boerekonsertina

Die instrumente wat onder die vaandel van Boerekonsertina vervat word verskil dramaties itv voorkoms, groote, konstruksie metode, en klank. Die sleutelbord patroon stem ooreen met 'n 2-ry engelse konsertina soos hierbo genoem met die uitsondering van een bas noot. Die kante is meestal hout en soms helderkleurig. Die krulpatroon wat kenmerkend is van Engelse konsertinas is afwesig. In sommige modelle word die kante asook die boeke versier met 'n papier patroon en gepoleerde chroom of geelkoper drukstukke.

Die klank word voortgebring deur twee of drie fluitjies per noot. Vroeër was bekende vervaardigers "Sholer" en "Galotta" uit die Oos-Duitse Demokratiese republiek. "Bastari", van Italiaanse oorsprong, val ook in hierdie kategorie alhoewel sommige aangekoop word met sekere note omgeruil (Samedrukking van die boeke produseer 'n noot wat in die standaard uitleg deur 'n trek aksie voortgebring word.) Die orkes van Willie Nelson maak van 'n Bastari boerekonsertina gebruik. Ander vervaardigers is "Gallotone", "Wizzard" en Suid-Afrikaanse konsertina vervaardigers.

Die aksie van 'n boerekonsertina word normaalweg van hout vervaardig en is glad nie kompleks nie.
Die fluitjieplaat van 'n boerekonsertina is meestal in 'n ry en bevat twee of drie fluitjies per noot wat tesame en gelyktydig die klank produseer.
'n Bastari Boerekonsertina het 'n fluitjie uitleg soortgelyk aan hierbo genoem. Die aksie is meestal metaal.
Versiering van die kante en boeke  


Besoek asseblief die leer speel bladsy vir meer besonderhede oor die verskillende uitleg tipes.

Kitaar

Die ritme kitaar vorm die grondslag van begeleiding en 'n boereorkes sonder ten minste een kitaar is ondenkbaar. Die aanslag is sterk ritmies en kan soms die melodie aanvul. Wanneer die kitaar as hoof instrument aangewend word is die karakter steeds onmiskenbaar as Boeremusiek met ritme begeleiding.

Kitaar voorbeeld

Banjo

Net soos met die kitaar word die banjo as ritme instrument sowel as hoof instrument aangewend. Die Ukulele het die voorkoms van 'n banjo en is heelwat kleiner.

Banjo
Ukulele

Trekklavier

Die trekklavier sowel as die knoppies akkordeon was vir 'n lang tyd in 'n mindere mate in boeremusiek aangewend. Daar is deesdae 'n herlewing onder musikante met hierdie instrument.

Piano Accordions as well as Button Accordions and Button Harmonicas are mostly used for accompaniment. There are also bands that feature them as the lead instrument.

 

Traporrel en klavier

Die traporrel en klavier word deesdae meestal vir begeleiding aangewend. Tant Bettie Ferns en Chris Buys en Ben Bester het bekendheid verwerf met die traporrel. Tant Carolina Leeson het traporrel sowel as klavier bespeel. Jim Muller was 'n leidende eksponent van die klavier.

 

Bas Instrumente

Die basviool, tjello en akoesties baskitaar word vir bas agtergrond aangewend.


Akoestiese Baskitaar


Tjello

 

Mondfluit

Die mondfluit word beide as hoof instrument sowel as begeleiding aangewend.


Hannes Buitendag met sy mondfluit

Ander Instrumente

Alhoewel die bandoneon nie bekend is in Suid-Afrika nie is daar wel sulke instrumente te vinde.